Fase 1:
Kulturrådet har i brev 11.03.2010 gitt ei løyving til arbeidet med lagsbrukssoga:
Vedtak: "Kr 150 000 blir løyvd til innleiande arbeid med dokumentasjon og innsamling".
Organisasjonen Norske kulturbygg var søkar, men etter at denne blei avvikla i 2012, er det Noregs Ungdomslag med organisasjonsnummer 939 550 550 som er eigar av prosjektet. Overføringa er rapportert til Kulturrådet og akseptert der. Rapport levert desember 2013.
Til å utføra oppdraget er tilsett Nils Seland. Telefon: 9066 6867. Epost: nseland@online.no
Til referansegruppe er utpeika:
Terje Svindseth (leiar)
Olaf Almenningen
Marie Nicolaisen
Astrid Grytting
Rapport fase 1: "Innledende arbeid med dokumentasjon og innsamling" datert 31. des. 2013.
Fase 2:
Søknad om stønad til fase 2 - datert 3. des. 2013:
Problemstillingar å gå nærare og djupare inn på:
Drøfting av prioritering for vidare arbeid frå 2014:
Hovudtema: Forretningsverksemda som skaffa pengar til sosialt og kulturelt arbeid. Viktig demokrati- , kultur- og nasjonsbygging som starta omkring unionsoppløysinga i 1905.
Deltema:
- Vidare arbeid med å dokumentera omfanget av lagsbruksverksemda.
- Finanisering av bygging og drift av Det norske teatret. Framstillinga bør skje i dagens kroneverdi.
- Bygging av- og subsidiert husleige for Teatersalen i Bøndenes hus Rosenkrantsgt. 8. Oslo..
- Finansiering av tomtekjøp.
- Tilskot til drifta av teatret.
- Lagsbruka i Bergen (Hordaland) og dei som sto bak. Fleire hotell og kaffistover, trykkeri, avis og bank. Røter inn i næringslivskretsar. Sterke miljø (både i lag og næringsliv). Skiftande tider/"vekst og fall". Bankkrisa i 1920-åra.
- "Gud og Mammon". Korleis var lagnaden for dei høge ideala under skiftande økonomiske vilkår. Nynorsk-spørsmålet, ruspolitikk og skjenkerettsak (ideologi, utmeldingar og eksklusjonar), interiør/"husbunad": "Frå Kinsarvik til respatex". Oppbyggingstida etter 2. verdskrigen er verd eit eige kapittel.
- Statens fond for alkoholfrie hotell m.v. . Kva førte denne låne- og tilskotsordninga til.
- Lagsbruksfondet. Rørsla sin eigen "lakmustest" på internt samhald. Kor langt gjekk solidaritetstanken inn i organisasjonen? Fekk fondet noko å sei?. Investeringar i eigarskap i Dag Bondeheim, Skien og Bondeheimen i Flekkefjord på 1990-talet. Avviklinga av fondet.
- Forretningskonseptet: "Fyrsteklasses mat til tridjeklasses prisar". Kvalitetsprofil mellom "kneipa" og sosietetsrestauranten. Tradisjonsprofil. Abel Olsen: "Vi må servere lefsa på en ny måte".
- Styrarinna som "mor" for "stovegjentene". Trygge kvinnearbeidsplassar.
- Heim for landsungdom i Oslo. Kva hadde den å sei. Korleis var tilhøva for den tids innflyttarar samanlikna med dei som kjem til byen i dag? Ingeborg Juvkam var "mor" for alle dei som budde der frå 1929 til 1963. Juvkam fekk Kongens fortenstmedalje i gull for innsatsen sin for innflyttarane.
Det var også eit forsøk på å bygga noko liknande i Bergen på 1960-talet. Det blei ikkje noko av. - Sentrum/periferi:Det vaks "nedanfrå". Landslaga blei aldri med i oppbygging av forretningverksemda (NU hadde eit forsøk på aksjeteikning i 1960-åra). Dei hadde ein idé lokalt, men det var faktisk også god lønsemd i desse bruka frå starten av. Økonomiske rammevilkår før og nå.
- Tøttavangensaka. Konkursen der på 1970-talet gjekk inn i lærebøkene i jus. Eigarlaget miste alt dei eigde fordi forretninga ikkje var skipa som AS.
- Vidare arbeid med soga til det enkelte bruket eller eigarlaget - mellom anna på jakt etter lokale oppgåver som dei engasjerte seg i:
* Lagsbruka i Troms løyvde betydelege summar over lengre tid til Trondarnes folkehøgskole.
* Bibelen på nynorsk.
* Mange avistiltak. (Gula Tidend, Agder Tidend, Dag og Tid, - - )
* Hålogaland Ungdomslag og Vefsn folkehøgskule. I Vefsn hadde rørsla særskilt høg status.
* Hemnes Ungdomslag: Kaffistove? Sjukestove i 1939. Sjukeheim overlevert kommunen i 1953.
* Sunnmøre fril. Ungdomssaml.: Folkehøgskule, Sunnmøre museum, Husmorskule, Småindustrikontor
* Vest-Agder Ungdomslag: Salskontor for heimeindustri.
* Mållaget i Flekkefjord (med økonomi frå Bondeheimsdrifta) ga ut bladet "Grannen - samlingsblad for segn og soga", og dei tok initiativ til - og starta arbeidet med å bygga opp eit lokalt friluftsmuseum. - Om liknande tilhøve i dei andre, store folkerørslene. (likskap og ulikskap).
Misjonsrørslene/speidarrørsla, Fråhaldsrørsla, Arbeidarrørsla, Bonderørsla.
Kulturrådet avslo søknad om stønad til Fase 2.
Vidare arbeid i modifisert form er finansiert med testamentarisk gåve stor kr. 600 000,- frå Kåre Kolås.